I thought of sharing my own experience with Joud's sleep routine, I remember how much I struggled, waking up every hour or two was the norm, I found many mistakes and misconceptions mothers doing, first-time mums are the most that go through this, including myself. Others just choose not to implement a routine for their child's sleep, which is fine as long as it works and the whole family has a healthy night's sleep.
I'm also in the middle of preparing a post about how to teach your baby self-soothing in a separate post and tell you all about my experience and what I've learned along the way.
Dinner so I usually start giving Joud her dinner at 18:35 a light healthy dinner followed with a fruit or some plain yoghurt if she feels like.
Winding down no rough games, running around or active play. Remember you are trying to give signals to your child that it's almost time for bed.
Make it dark try turning off all lights, leaving only the necessary. Since the light from electronic devices can disrupt the ability to sleep. Make sure to switch off all electronic devices ( tv, laptops, and any toys that might keep your child awake).
Bathtime many parents say it actually makes their children feel more awake, I've never experienced that myself, so a trick I make is to let her play softly, you can pop in a small cotton bag filled with dry lavender and chamomile, you can add some essential oils as well, or you can try Lush's Ickle Baby Bot, smoothing essence and calming colours will most likely do the trick!
Bedtime story since Joud's getting older and being more independent every day, I really like to give her choice, so she chooses the story she wants me to read, reading while I brush her locks, she then puts the book away and throws herself in a huge cuddle.
Roqia or prayer a soothing time for both of us while still cuddling, I read some prayers and stroke her hair for a couple of minutes.
Cuddles and kisses ending the bedtime routine, as Joud says night ... night and that's usually around 19:30 and we're done for the day.
So always remember the basics to get you started are simple and crucial for a good routine :
Winding down (your child needs steps in order to prepare her/him for bed) suddenly putting them to bed is a very bad tactic.
Dark! your child's bedroom or nursery needs to be fully dark. No cute musical lights, no glow in the dark stickers. This in itself is a very important step for both adults and children, our bodies consist of a circadian rhythm referred to as a biological or body clock an internal clock that plays a critical role in when we sleep and wake up, that needs darkness in order to produce melatonin that regulates other hormones and maintains body's circadian rhythm.
Limit clutter in nursery or bedroom, the fewer distractions the easier it is for a child to fall asleep.
You can read more about Light, melatonin and the sleep-wake cycle here, check Dana Obleman Sleep sense program.
Hopefully, this post will be helpful for some mums having troubles putting their little ones to bed. Every child is different, but basics, like winding down, and making everything dark, is a necessity in my opinion. Dana Obleman is a name I would recommend you to search, an expert that explains every bump you face in a baby and toddler's sleep, many easy solutions that made my daughter's sleep time a calm and successful time.
You can read more about Light, melatonin and the sleep-wake cycle here, check Dana Obleman Sleep sense program.
من أصعب الحاجات اللي ممكن تمر بيها اي أم هي نوم البيبي، كيف تقدري اديري برنامج معين يساعدك ويساعد بنتك أو ولدك على نوم منتظم وطول الليل. البوست هذا حنتكلم على الطريقة اللي بديت ندير فيها لجود بنتي من حوالي لما كان عمرها 9 شهور، في بوست ثاني ان شاء الله حنتكلم عالطريقة اللي تقدري بيها تعودي طفلك على كيف يرقد بروحه وبدون مايقلقك وينوضك، وشن الحاجات اللي تخلي البيبي يدير عالشيء وليش؟ موضوع طويل وهلبه نقاط حنشارككم بيها ان شاء الله.
البرنامج اللي توا نتكلم عليه هو الروتين اللي تبعيه كل ليلة بش تعودي بنتك على النوم في وقت معين، غير هكي تنظمي وقتك حتى لو كنت ربة بيت وماتقريش ولا عندك اي ارتباطات بره الحوش، مش عيب ولا غلط إنك تنظمي يومك ولا غلط إن تنظمي نوم طفلك، ولنفسك حق للراحة شوية مش غلط الا عند بعض الليبين إن الأم لازم أربعة وعشرين ساعة تلود وشادة تزازي بصغارها. وعندهم عقلية الأم ترتاح شوية ولاتكون منظمة برنامج حياتها وصغارها هذا شي غلط ومايجيش!!.
العشاء عادة نعشي في جود مع حوالي الستة ونص، عشاء صحي وخفيف ، وممكن نعطيها فاكهة أو ياغورت سادة لو هي تبي بعد العشاء.
هدوء تام في الوقت هذا لازم توقفي اي ألعاب ناشطة ولاجري ولاشي زي هكي. وديما إتذكري إنك تبي تعطي إشارات لبنتك إن وقت النوم قرب، المراحل هذه تساعدها كل يوم تفهم إن توا معاش في لعب ووقت الراحة.
ظلام ظلمي قريب كل الحوش الا في الدار اللي إنت فيها مثلاً، طفي التلفزيون الكمبيوتر واي ألعاب إلكترونية فيها الضي الصناعي. الدراسات العلمية أثبتت أن الضي من الألكترونات زي الموبايل وغيره يؤثر على مراحل النوم لينا وللصغار نفس الشي.
وقت الحمام في هلبه أهل يشكوا من أن الحمام أو الشاور ممكن ينشط الصغار أنا بالعكس نحسها تترتخى أكثر، فتقدري تعبي البانيو وتخلي بنتك تلعب شوية المياه الدافية حترخي العضلات زي ماهو معروفو وتقدري تحطي لافندر و بابونج أو فلية مجففة في كيس قطني وتحطيها في المياه زي مامعروفة ترخي وتساعد على النوم. غير هكي ممكن تحطي زيوت زي زيت الافندر اللي معروف بقدرته على الإسترخاء، ممكن تستخدمي لومتوفر عندك يدير نفس المفعول.
الألوان الهادية والروائح المريحة حتساعد بنتك على النوم ولو بتأثير صغير.
قصة النوم بما إن جود تكبر كل يوم وتبي ادير حاجات بروحهاوتكون مستقلة، من فترة بديت نعطي فيها خيار مثلاً قصة اليوم شنو نقروا قبل مانرقدها، هي توازي اللي يعجبها ونقروا القصة. وفي الوقت هذا تكون سارحة في القصة نحب نسلتلها شعرها. بعد ما نكملوا القصة، بروحها تسكر الكتاب وتحطه وتجي اطبطني عادة فيها هي تعلمتها وكأني نحس مرات تشكر فيها على الأصوات والتمثيل اللي ندير فيه في كل قصة ههه.
ظلام بعدها انوضوا نسكروا الضي، والصغار زي ما تعرفوا حشيشتهم البطم وتسكير الضي، فأعطيها فرصة إنها اديرها وتخليها يكون عندها دور في الروتين وعندها مسؤولية.
الرقية في الوقت الهاديء هذا تقدري تبطي بنيتك وكم دقيقة ترقيها، مهم إنك تحصني وليدك ولا بنيتك كل ليلة زي ماوصانا الرسول عليه الصلاة والسلام.
تطبيطات وبوسات ينهوا الروتين وتحطي بنيتك في سريرها، خلي عندك مقولة مثلا تصبحي على خير، ولا السلام عليكم ولا زي جود نايت نايت يعني خلاص ماما أنا بنرقد إتفضلي وهذا في العادة الساعة سبعة ونص.
النقاط المهمة من البوست إنك تذكري كم حاجة وتستمري عليها.
وقت الهدوء (مهم هلبه إنك تعطي إشارات لطفلك إن وقت النوم قريب) إنك تأخدي بنتك وتحطيها طول ترقد طريقة مش صح في تعاملك معاه، تخيلي كانت بنتك تلعب وفاتحتلها موبايل تتفرج على رسوم وتآكل في شكلاطة فجاءة تقوليلها هي وقت النوم! منطقياً غلط ولازم تجهزي واديري خطوات لحد مايجي وقت النوم أريح وأسلم ليك وليها.
الظلام زي ماتكلمت مهم جداً اظلمي الحوش، دار بنتك لازم مايكونش فيها اي ضي ترقد بيه ولا ستكرات ادير في ضي ولا اي شي. كلنا عندنا ساعة داخلية ونظام داخلي ربي مسخره لهلبه أمور مهمة ومن بينها دورة النوم والإستيقاظ اليومية، الظلام من الحاجات اللي تأثر فيها وممكن تلخبطها، واللي تأثر على إنتاج هرمون الميلاتونن اللي ينظم في هرمونات ثاينة في الجسم ويحافظ على نظام الساعة البيولوجية.
حاولي تنقصي اي شي ممكن يلهي بنتك في دارها اي ألعاب ولا اي شي يخليها تنشط و يخيلها تنعس أسرع وأسهل.
ان شاء الله فدتكم في البوست هذا وخاصة الأمهات اللي يستصعب عليهم يرقدوا صغارهم،
تقدري إنك تغيري اي خطوة باللي يناسبك.
ممكن تزيدي اديري سيرش على Dana Obleman خبيرة وعندها هلبه مواضيع ممكن تساعدك بالعموم في نوم بنتك أو ولدك بالأخص برنامج sleep sense وتقدري تقري أكثر على موضوع الضي، والميلاتونن ودورة النوم والإستيقاظ في الدراسة هذه.
